Hafan » Amdanom Ni » Newyddion
Newyddion
Mae’r Weinyddiaeth Amddiffyn ac Awdurdod Parc Cenedlaethol Arfordir Penfro yn cynnig y cyfle i gael taith unigryw o gwmpas Maes Tanio Maenorbŷr.
Fel arfer mae’r maes tanio’n waharddedig i’r cyhoedd ond mae’r Weinyddiaeth Amddiffyn yn agor ei drysau ar fore’r 8fed Awst 2012.
Mae’r teithiau tywysedig blynyddol wedi profi’n boblogaidd yn ystod y saith mlynedd diwethaf, pan gafoddd ymwelwyr y cyfle i ddysgu am y defnydd o’r Ystad Hyfforddi Filitaraidd hon.
Mae’r digwyddiad hwn eleni’n cychwyn am 10.00am. Rhoddir cyflwyniad gan Benswyddog y Maes Tanio yr Uwchgapten Peter Sulman ar hanes militaraidd Maenorbŷr a’i ddefnydd ers ei greu yn 1938. Yn dilyn hyn bydd taith gerdded fer o gwmpas y maes tanio, o dan arweiniad Lynne Houlston, Parcmon Awdurdod y Parc Cenedlaethol a’r Archaeolegydd Pete Crane.
Mae’r digwyddiad yn agored i unrhyw un dros 16 a chyfyngir y niferoedd felly bwciwch yn gynnar i osgoi cael eich siomi.
Am fanylion pellach ac i fwcio lle ffoniwch Lynne ar 01646 662213 neu 07866 771188.
Gyhoeddi 16/07/2012
