Hafan » Gofalu Am » Cynllun Rheoli'r Parc

Cynllun Rheoli'r Parc Cenedlaethol

Nid yw Awdurdod Parc Cenedlaethol Arfordir Penfro’n gallu cyflawni dibenion y Parc Cenedlaethol ar ei ben ei hun, ac mae’n ddyletswydd ar lawer o fudiadau, trwy Ddeddf yr Amgylchedd 1995, i gyfrannu at ddibenion y Parc Cenedlaethol yn eu gweithrediadau eu hunain.

Copyright Mike Alexander

 

 

 

 

 

 

 

 

 

 

Mae Cynllun Rheoli’r Parc Cenedlaethol yn ffordd o gydlynu ymdrechion. Mae’n gynllun i gyflawni dibenion Awdurdod y Parc Cenedlaethol, ac felly nid yw’n gynllun ar gyfer Awdurdod y Parc Cenedlaethol yn unig. Ac er taw’r Awdurdod sy’n cynhyrchu’r Cynllun Rheoli, mae yna lawer o bobl eraill ynghlwm â’r broses o’i baratoi, ac yn hanfodol i’r broses o’i drosglwyddo.

Cynigir y polisïau yn y Cynllun Rheoli fel amcanion gweithredol ar gyfer y mudiadau a’r unigolion niferus y mae eu gweithredoedd yn gallu dylanwadu ar y Parc Cenedlaethol.

Lawrlwytho'r Cynllun Rheoli 2009-13.

Cynlluniau rheoli ar gyfer Parciau Cenedlaethol - canllawiau

Mabwysiadwyd Cytundeb Cyflawni, yn egluro sut mae Awdurdod y Parc Cenedlaethol yn bwriadu paratoi Cynllun Rheoli am y cyfnod 2015-19, gan yr Awdurdod ar 2 Ebrill 2014. Gellir gweld y Cytundeb Cyflawni yma.

Mabwysiadwyd diweddariadau i Gynllun Rheoli 2009-2013 gan yr Awdurdod ar 11 Mehefin 2014. Mae’r diweddariadau hyn yn estyn oes Cynllun 2009-13 tan ddiwedd 2014 a gellir eu gweld yma.

Mae Awdurdod Parc Cenedlaethol Arfordir Penfro wedi llunio Cynllun Rheoli drafft ar gyfer ardal y Parc Cenedlaethol am y cyfnod 2015-19, ynghyd ag asesiadau effaith cysylltiedig.